ENDOMETRIOZ FENOTIPLARIDA TUXUMDON ZAXIRASI VA ULTRATOVUSH-DOPPLER KO‘RSATKICHLARINING KLINIK-DIAGNOSTIK XUSUSIYATLARI

Dolzarbligi. Endometrioz reproduktiv yoshdagi ayollar orasida keng tarqalgan surunkali ginekologik kasallik bo‘lib, ko‘pincha reproduktiv funksiyaning buzilishi va bepushtlik bilan bog‘liq. Endometriozning klinik ko‘rinishlari va kichik chanoq a’zolarining zararlanish darajasi turlicha bo‘lib, bu bemorlarning reproduktiv salohiyatini baholashda differensial yondashuvni talab qiladi. Tuxumdon zaxirasini baholashda antimüller gormoni (AMH) darajasi va antral follikulalar soni (AFC) muhim ko‘rsatkichlar hisoblanadi. Zamonaviy transvaginal ultratovush tekshiruvi endometriozga xos strukturaviy o‘zgarishlarni aniqlash bilan bir qatorda, kichik chanoq a’zolarining morfologik va gemodinamik xususiyatlarini baholash imkonini beradi.