JIGAR SIRROZIDA CHILD–PUGH SINFIGA QARAB MORFOLOGIK VA GEMODINAMIK O‘ZGARISHLARNI KOMPLEKS ULTRATOVUSH BAHOLASH

Tadqiqotning maqsadi jigar sirrozining turli og‘irlik darajalariga ega 267 nafar bemorda jigar va portal tizimdagi strukturaviy, gemodinamik hamda elastografik o‘zgarishlarni tavsiflashdan iborat. Tadqiqotda kulrang shkala rejimidagi ultratovush tekshiruvi, jigar va taloq tomirlarining Dopplerografiyasi, portal qon oqimi indekslarini baholash hamda elastografiya qo‘llanildi. Child–Pugh sinfi oshib borgani sari jigar konturlarining notekisligi, parenximaning tugunli qayta tuzilishi, tomirlar arxitektonikasining deformatsiyasi va splenomegaliya ko‘proq kuzatildi. Darvoza venasining diametri kattalashib, undagi qon oqimi tezligi pasaydi; shu bilan birga, tomir qarshiligi indekslari va jigar qattiqligi oshdi. Sirroz og‘irligi bilan eng yaqin bog‘liqlik darvoza venasining dimlanish indeksi (r=0,68), darvoza venasi diametri (r=0,64) va portal qon oqimi tezligi (r=−0,58) uchun aniqlandi. Olingan natijalar jigar morfologiyasi va portal gemodinamikasini baholashda kompleks ultratovush tekshiruvining ahamiyatini tasdiqlaydi.