nashruz.uz
← Qaytish Zamonaviy tibbiyot jurnali
Original tadqiqot

Zamonaviy tibbiyot jurnali, Vol. 4, No. 15 (2026)

YO‘G‘ON ICHAK PATOLOGIYASI BO‘LGAN BOLALARDA JISMONIY O‘SISHDAGI OG‘ISHLARNI BELGILOVCHI MUSTAQIL OMILLAR: ICH QOTISHI DARAJASI, ICHAK KENGAYISHI VA AGANGLIONOZ (KO‘P O‘ZGARUVCHILI REGRESSIYA)

  • Mamasaidov J.T.✉
  • Isaqova N.R.
Qabul qilingan: 5-noyabr, 2026Tasdiqlangan: 15-noyabr, 2026Chop etilgan: 17-noyabr, 2026

Annotatsiya

Maqsad – yo‘g‘on ichak nuqsonlari bo‘lgan bolalarda ich qotishining og‘ir-yengilligi, ichak kengayganligi va aganglionozning har biri jismoniy o‘sishning izdan chiqishiga alohida qanchalik hissa qo‘shishini aniqlash.

Material va usullar – dolixosigma, dolixomegasigma, dolixomegakolon va Girshprung kasalligi tashxisi qo‘yilgan, taxminan bir yil oralatib ikki marta ko‘rikdan o‘tgan 1–18 yoshdagi 252 nafar bemorning ma’lumotlari o‘rganildi. Vazn va bo‘y sentil jadvallar hamda JSST me’yorlari asosida baholanib, bo‘y/yosh Z-skori (HAZ) hisoblandi. Ko‘p o‘zgaruvchili chiziqli va logistik regressiyadan foydalanildi.

Natijalar – ich kelishi siyraklashgan sari vazn yetishmasligi va past bo‘ylik tez-tez qayd etildi, bola ulg‘aygani sayin bu aloqa kuchaydi (vazn sentili uchun r −0,23 dan −0,75 gacha). Ich kelishlari orasidagi kunlar soni HAZ (har bir kunga B=−0,29) va past bo‘ylik ehtimolini (har bir kunga OR=2,96) belgilovchi asosiy omil bo‘lib chiqdi. Ichakning kengayganligi (OR=2,51) va Girshprung kasalligi (OR=2,62) ich qotishi darajasidan qat’i nazar past bo‘ylik xavfini oshirdi.

Xulosa – bolaning o‘sishiga yo‘g‘on ichakning faoliyati ham, tuzilishi ham ta’sir ko‘rsatadi, shu bois dispanser kuzatuvida ikkala omilni birga hisobga olish lozim.

Kalit so'zlar

  • bolalar, ich qotishi, ichak kengayishi, Girshprung kasalligi, past bo‘ylik, xavf omillari, regressiya tahlili.

0 ko'rishlar · 0 yuklab olishlar · pp. 549–555

Ko‘rsatkichlar va e’tibor

O‘xshash maqolalar