ONA QANDLI DIABETI SHAROITIDA KALAMUSHLAR AVLODINING MEZENTERIAL LIMFA TUGUNLARIDAGI MORFOLOGIK O‘ZGARISHLAR

Mazkur tadqiqotda ona organizmidagi qandli diabetning kalamushlarda mezenterial limfa tugunlarining (MLT) postnatal shakllanishiga ta’siri o‘rganildi. Diabet homiladorlikdan oldin urg‘ochi kalamushlarda alloksan yordamida induksiya qilindi, nasl esa hayotining 3–30-kunlari davomida tekshirildi. Diabetli onalardan tug‘ilgan naslda kortikal va medullyar moddaning differensiyalanishi sekinlashgani, limfoid follikulalarning shakllanishi hamda immunokompetent hujayralar o‘rtasidagi o‘zaro ta’sirlar nazorat guruhiga nisbatan sust kechgani aniqlandi. Olingan natijalar ona qandli diabetining nasl immun tizimi rivojlanishiga salbiy ta’sir ko‘rsatishini tasdiqlaydi.