TESHILGAN GASTRODUODENAL YARALARDA OPTIMALLASHTIRILGAN JARROHLIK TAKTIKASI VA DAVOLASH

Mualliflarning ta’kidlashicha, zamonaviy tadqiqotlarda perforatsiyalangan gastroduodenal yaralarda (PGDY) jarrohlik aralashuvi hajmini tanlash masalasi hali uzil-kesil hal etilmagani, ushbu kasallikni jarrohlik yo‘li bilan davolash muammosi esa ilmiy va amaliy ahamiyatini saqlab qolayotgani ko‘rsatilgan. Bu holat PGDY bilan og‘rigan bemorlarda jarrohlik taktikasini optimallashtirish va kompleks davolashni takomillashtirish zarurligini belgilaydi.

Mualliflar asosiy guruhda optimallashtirilgan jarrohlik taktikasini qo‘llash operatsiya hajmini differensial tanlash hamda kam invaziv va a’zo saqlovchi jarrohlik amaliyotlarini qo‘llash ko‘lamini kengaytirish bilan tavsiflangan, degan xulosaga keladilar

Tadqiqot maqsadi. Teshilgan gastroduodenal yaralar bilan og‘rigan bemorlarni jarrohlik yo‘li bilan davolash natijalarini jarrohlik taktikasini maqbullashtirish orqali yaxshilash.

Tadqiqot materiallari va usullari. Tadqiqot 2020–2025-yillar davomida Jarrohlik kasalliklari kafedrasining klinik bazasida hamda Respublika shoshilinch tibbiy yordam ilmiy markazi Andijon filialida olib borildi.

Tadqiqot natijalari. 2023–2025-yillar davomida asosiy guruhdagi teshilgan gastroduodenal yarasi (TGDYa) bo‘lgan bemorlar uchun jarrohlik taktikasi va davolash usullarini tanlash algoritmi ishlab chiqildi. Bu kompleks jarrohlik taktikasini maqbullashtirish imkonini berdi. Bunda yara perforatsiyasini laparoskopik usulda tikish, teshilgan o‘n ikki barmoq ichak yarasini kesib olib tashlash va duodenoplastika bajarish usullari, shuningdek, rezeksiya usullarining modifikatsiyalangan texnikasi qo‘llanila boshlandi (O‘zbekiston Respublikasi Adliya vazirligi huzuridagi Intellektual mulk agentligining 2025-yil 18-iyundagi IAP 8104-sonli ixtiro patenti).