CHAQALOQLARDA VISSERO-ABDOMINAL DISPRAPORTSIYANI XIRURGIK BARTARAF ETISHNING TURLI XIRURGIK BOSQICHLARIDA SUN’IY O‘PKA VENTILYATSIYASINI O‘TKAZISHNING O’ZIGA XOSLIKLARI

Tadqiqot maqsadi. Perioperatsion davrda vissero-abdominal disproporsiyaga ega chaqaloqlarda o‘pkaning mexanik xususiyatlarini o‘rganish asosida sun’iy o‘pka ventilyatsiyasini o’tkazishni optimallashtirish. Material va usullar. Tadqiqotga 57 nafar chaqaloq kiritildi, ularning 15 nafari (26,3%) gastroshizis bilan, 42 nafari (73,7%) omfalotsele bilan edi. Barcha bemorlarga intensiv davolash, "Babylog" apparati yordamida hajm nazorati rejimida (A/C, SIMV/PSV) sun’iy o‘pka ventilyatsiyasi o‘tkazildi. Bunda gemodinamika va nafas olish mexanikasi ko‘rsatkichlari (dinamik kompleyens - Cdyn, qarshilik - Rpk, bosim-hajm va oqim-hajm halqalari) grafik monitor yordamida doimiy ravishda kuzatib borildi. Qorin bo‘shlig‘i bosimi Kron usuli bilan o‘lchandi. Natijalar. Tadqiqot qorin bo‘shlig‘i bosimining turli bosqichlardagi o‘zgarishlari va chaqaloqlarda nafas olish ko‘rsatkichlarining o‘zgarishi o‘rtasidagi bog‘liqlikni aniqladi. Barcha bemorlarda operatsiyadan oldingi davrda chaqaloqning nafas olish tizimi moslashganligi kuzatildi. Visseroabdominal disproporsiyani tuzatishning birinchi bosqichining dastlabki kunida ikkala guruhda ham dinamik komplayensning 3,4 barobar asta-sekin pasayishi qayd etildi. Shuningdek, rezistentlikning 2,42 barobar oshishi bilan birga PIP ko‘rsatkichi 20-22 sm suv ustunigacha ko‘tarildi va grafik monitorda ko‘rsatkichlarning maksimal o‘zgarishi kuzatildi. O‘pkaning mexanik xususiyatlari ko‘rsatkichlari nisbatan me’yoriy holatga qaytishi 72- soati oxirida yuz berdi. Xulosa. Qorin bo‘shlig‘i bosimining yuqori darajagacha ko‘tarilishi nafas olish mexanikasining o‘zgarishiga olib keladi va ventilyatsiya parametrlarini tuzatish uchun yetarlicha ma’lumot beruvchi mezon hisoblanadi. Bundan tashqari, qorin ichi bosimining yaqqol perioperatsion oshishi (10-11 mm simob ustunidan ortiq) vissero-abdominal dispraportsiyaga ega chaqaloqlarda o‘pkaning mexanik xususiyatlariga eng kuchli ta’sir ko‘rsatadi.