SON SUYAGI BOSHCHASINING POSTKOVID ASEPTIK NEKROZINI NUR YORDAMIDA ANIQLASH

Maqolada postkovid davrida chanoq-son bo‘g‘imi zararlanishlarini nur tashxisoti algoritmlarini takomillashtirishning zamonaviy yondashuvlari ko‘rib chiqilgan. Asosiy e’tibor son suyagi boshchasi aseptik nekrozi (SSBAN) va postkovid koksartrozlarini erta aniqlashga qaratilgan. Ushbu fenomen anamnezda tizimli endoteliit, mikrotrombozlar va yuqori dozali glyukokortikosteroidlar (GKS) bilan puls-terapiya o‘tkazilganligining birgalikda kelishi bilan bog‘liq. Patologik jarayonning turli bosqichlarida Ficat/Arlet va Steinberg tasniflariga muvofiq rentgenografiya, KT, MRT va ultratovush tekshiruvi (UTT) ma’lumotlarining informativligi batafsil qiyosiy tahlil qilindi. Mualliflarning postkovid chanoq-son bo‘g‘imi zararlanishlari tuzilishi bo‘yicha shaxsiy statistik ma’lumotlari taqdim etilgan. Postkovid SSBAN va son suyagi boshchasining tranzitator osteoporozi o‘rtasidagi differensial tashxis bo‘limi batafsil ishlab chiqilgan. Exografiyaning nafaqat birlamchi skrining, balki bo‘g‘im ichi inyeksion terapiyasini o‘tkazishda navigatsiya usuli sifatidagi yuqori aniqlikdagi roli asoslab berilgan.