Zamonaviy tibbiyot jurnali, Vol. 14, No. 3 (2026)
Maqolada reanimatsiya va intensiv terapiya bo‘limlarida sun'iy o‘pka ventilyatsiyasida bo‘lgan og‘ir ahvoldagi bemorlarda oshqozon shilliq qavatining o‘tkir shikastlanishlari genezida immunogistokimyoviy CD45 markeri orqali aniqlanadigan limfotsitar infiltratsiyaning o‘rni o‘rganilgan. CD45 ekspressiyasining ortishi limfotsitar infiltratsiyaning kuchayishi, mahalliy yallig‘lanish jarayonining faollashuvi, mikrotsirkulyatsiya buzilishi hamda oshqozon shilliq qavatida yallig‘lanish-destruktiv o‘zgarishlarning rivojlanishi bilan kechishi aniqlangan. Aniqlangan immunogistokimyoviy o‘zgarishlar mahalliy immun javobining faollik darajasini aks ettirib, patologik jarayon og‘irligini baholashda qo‘shimcha morfologik mezon sifatida xizmat qilishi mumkin. Raqamli morfometriya yordamida CD45 ekspressiyasini miqdoriy baholash yallig‘lanish infiltratsiyasining intensivligini obyektiv aniqlash imkonini beradi hamda oshqozonning o‘tkir stress-induksiyalangan shikastlanishlari rivojlanishining immunopatogenetik mexanizmlarini chuqurroq tushunishga xizmat qiladi. Olingan natijalar reanimatsiya va intensiv terapiya bo‘limlaridagi bemorlarda kasallikni erta morfologik diagnostika qilish, uning kechishini prognozlash hamda davolash-profilaktika tadbirlarini takomillashtirishda amaliy ahamiyatga ega.
13 ko'rishlar · 23 yuklab olishlar · pp. 151–160
Mamasaliev N., Nuritdinova S., Mamasaliev ., Umurzakov ., Qurbonova R.
Egamberdiev ., Tuyev ., Voxidov ., Rakhimov ., Soipov .
Egamberdiev D., Tuyev K., Voxidov ., Rakhimov ., Soipov B.
Rakhmonov I., Majidova .