"XAVOTIR VA DEPRESSIYANING GOSPITAL SHKALASI HADS" BO‘YICHA O’RTA VA KICHIK TIBBIYOT XODIMLARIDA XAVOTIR VA DEPRESSIYANI BAHOLASH

Ichak ta’sirlanish sindromi (ITS) – bu ichak funktsiyalarining buzilishi hamda ko‘plab gastroenterologik simptomlar bilan namoyon bo‘ladigan kompleks kasallikdir. Mana shu sindromning belgilari odatda ich qotishi, diareya, abdomnal og‘riq va gazlarning ko‘payishi kabi gastrointestinal simptomlar bilan bog‘liq bo‘ladi. ITS ko‘pincha stress, noxush hayot tarzining oqibati sifatida rivojlanadi va ko‘p hollarda charchoq, depressiya kabi ruhiy holatlar bilan bog‘lanadi. Tibbiyot xodimlari, yuqori ish yuklamasi hamda ruhiy stress bilan shug‘ullanganlar, ayniqsa, ushbu kasallikka moyil bo‘lishlari mumkin. Bugungi kunda ITSning tibbiyot xodimlari orasida tarqalishi hamda uning kasallik profilaktikasi borasida olib borilayotgan tadqiqotlar juda muhim ahamiyatga ega. Ushbu maqolada ITS kasalligining tarqalishining epdemiologik ko‘rsatkichlari, tibbiyot xodimlarida rivojlanish omillari, kasallikning oldini olish bo‘yicha amaliy tavsiyalar tahlil qilinadi. Jumladan, klinik amaliyotda ITSni aniqlash va profilaktika qilish bo‘yicha takliflar keltiriladi. Shuningdek, ushbu maqolada mualliflar tibbiyot xodimlariorasida mazkur holatlarning tarqalishini o‘rganish maqsadida HADS gospital shkalasidan foydalanganlar. Tadqiqot davomida tibbiyot xodimlari asosiy va taqqoslash guruhlariga ajratildi. Taqqoslash guruhi an’anaviy davo choralarini qabul qildi. Asosiy guruh esa ratsional ovqatlanish va ruhiy salomatlikni yaxshilashga qaratilgan profilaktik tadbirlar (qo’shimcha tarzda aurikuloterapiya, elektrouyqu terapiyasi va yoga mashqlari) o‘tkazildi. Bu tadbirlar ITS simptomlarini sezilarli darajada kamaytirishga yordam berdi.