ЖАРРОҲЛИК АМАЛИЁТИНИНГ АСОСИЙ БОСҚИЧЛАРИДА BISPECTRAL INDEX КЎРСАТКИЧЛАРИ ДИНАМИКАСИ ВА УЛАРНИНГ КЛИНИК ТАЛҚИНИ

Тадқиқотнинг мақсади сунъий қон айланиши шароитида туғма юрак нуқсонларини жарроҳлик йўли билан тузатишда болаларда анестезия чуқурлигини объектив назорат қилиш учун BIS-мониторингнинг клиник аҳамиятини баҳолашдан иборат бўлди. Оператив аралашувнинг турли босқичларида BIS-мониторинг самарадорлиги таҳлил қилиниб, анестезиянинг ортиқча ва етарли бўлмаган чуқурлиги эпизодлари ҳамда интраоперацион уйғониш хавфи баҳоланди. Тадқиқот натижалари BIS-мониторинг қўлланилиши анестезиянинг мақсадли даражасини (BIS 40-60) операция вақтининг 87,3% давомида сақлаш имконини берганини кўрсатди, бу анъанавий мониторинг кўрсаткичи (61,4%)дан ишончли даражада юқори бўлди (p<0,001). Интраоперацион уйғониш частотаси 9,5% дан 1,6% гача камайди (p=0,048). Анестезия етарлилигининг бузилиши нуқтаи назаридан энг хавфли босқичлар индукция ва сунъий қон айланишидан кейинги иситиш даври бўлиб, мазкур босқичларда кучайтирилган мониторинг талаб этилади. Олинган натижалар BIS-мониторингнинг юқори информативлиги ва клиник самарадорлигини, шунингдек, туғма юрак нуқсонлари бўлган болаларда кардиожарроҳлик амалиётлари хавфсизлигини оширишда муҳим аҳамиятга эга эканлигини тасдиқлайди.