BOLALARDA SUPRATENTORIAL BOSH MIYA GLIOMALARIDA NUR TERAPIYASI NATIJALARI

Ushbu tadqiqot bolalar neyro-onkologiyasidagi muhim masalani yoritib beradi. Supratentorial glial miya o‘smalarining qaytalanishi yoki zo‘rayishi bilan o‘sma anaplaziyasi darajasi, jarrohlik yo‘li bilan olib tashlash hajmi va operatsiyadan keyingi nur terapiyasi qo‘llanilishi o‘rtasidagi bog‘liqlik o‘rganildi. Supratentorial glial o‘smalari bo‘lgan bolalarni davolash natijalari nafaqat jarrohlik amaliyoti, balki yordamchi nur terapiyasini ham olgan bemorlarning hayot sifati ko‘rsatkichlarini baholash orqali tahlil qilindi. Tadqiqot natijalari shuni ko‘rsatadiki, davolash usullarining samaradorligini faqat onkologik natijalar asosidagina emas, balki ularning kichik yoshdagi bemorlarning uzoq muddatli hayot sifatiga ta’sirini hisobga olgan holda ham baholash zarur.