BOLALARDA YURAKNING SEPTAL NUQSONLARINI ENDOVASKULYAR BARTARAF QILISH PAYTIDAGI YURAK ETISHMOVCHILIGINI BASHORATLASH BIOMARKERLARI

Bolalarda yurakning septal nuqsonlarini transkateter yo‘l bilan yopish uzoq vaqtdan beri eksperimental usul bo‘lishdan kelib chiqib, bugungi kunda ochiq kardiojarrohlikka muqobil bo‘lgan rutin davolash usuliga aylangan. Biroq perioperativ davrda o‘tkir va surunkali yurak yetishmovchiligi rivojlanish xavfi, ayniqsa, gemodinamikasi oldindan buzilgan erta yoshdagi bolalarda, hanuzgacha yetarli darajada baholanmagan. Mazkur tadqiqotda septal tug‘ma yurak nuqsonlarga ega bo‘lgan 82 nafar bola ishtirok etgan prospektiv kogort tadqiqoti natijalari taqdim etilgan. Bemorlar interventsion (transkateter) yopish guruhi (n=52) va sun’iy qon aylanishi sharoitida ochiq jarrohlik korreksiyasi guruhi (n=30) ga ajratildi. Operatsiyadan oldingi bosqichda hamda aralashuvdan keyingi 7 kun davomida NT-proBNP, galektin-3, eruvchan ST2 (sST2) va yuqori sezgir troponin I (hs-cTnI) biomarkerlarining dinamikasi o‘rganildi. Tadqiqot natijalariga ko‘ra, NT-proBNP va ST2 biomarkerlarining kombinatsiyasi erta operatsiyadan keyingi yurak yetishmovchiligi rivojlanishini bashoratlashda eng yuqori diagnostik va prognostik qiymatga ega ekanligi aniqlandi (AUC=0,86; p<0,001). Olingan natijalar septal tug‘ma yurak nuqsonlarini endovaskulyar korreksiya qilinayotgan bolalarda perioperatsion monitoringning standart protokoliga ushbu biomarkerlarni kiritishni tavsiya etishga asos bo‘ladi.