QALQONSIMON BEZ PATOLOGIYASI BO‘LGAN AYOLLARDA SUT BEZINING YAXSHI SIFATLI KASALLIKLARINING KLINIK VA GORMONAL XUSUSIYATLARI (BUXORO VILOYATI MISOLIDA)

Buxoro viloyatida qalqonsimon bez patologiyasi bo‘lgan ayollarda mastopatiyaning turli shakllarining klinik-gormonal xususiyatlari va uchrash chastotasini o‘rganish maqsadida 18–59 yoshdagi 100 nafar ko‘krak bezining yaxshi sifatli kasalliklari bo‘lgan ayollar tekshirildi. Klinik belgilari, ultratovush tekshiruvi natijalari, gormonal holati va mastopatiya shakllarining taqsimoti baholandi. Qalqonsimon bez patologiyasi bilan bog‘liq bo‘lgan og‘ir shakldagi mastopatiya yuqori chastotada (62%) aniqlanib, tadqiqot autoimmun tireoidit va giperprolaktinemiya og‘ir shakldagi mastopatiyaning shakllanishida muhim rol o‘ynashini ko‘rsatdi, bu esa ushbu toifadagi bemorlarda kompleks endokrinologik tekshiruv o‘tkazish zarurligini taqozo etadi.