PANKREATOGEN QANDLI DIABET RIVOJLANISHIDA INKRETIN DISFUNKSIYASI VA GLP-1 NING ROLI

Tadqiqot L-argininni ikki marotaba qorin bo‘shlig‘iga yuborish orqali surunkali pankreatit modeli yaratilgan 120 ta oq erkak kalamushlarda o‘tkazildi. GLP-1, GIP va insulin miqdori tajribaning 10-, 20-, 30-, 40-, 50- va 60-kunlarida ELISA usuli yordamida aniqlandi. Tadqiqot natijalarida barcha o‘rganilgan gormonlar miqdorining kasallik rivojlanishi davomida izchil kamayishi, eng yaqqol o‘zgarishlar esa kechki bosqichlarda kuzatilishi aniqlandi. Olingan natijalar enteroinsulyar o‘q faoliyatining buzilishi va inkretin effektining susayishini ko‘rsatib, bu surunkali pankreatitda endokrin yetishmovchilik hamda pankreatogen qandli diabet rivojlanishining muhim patogenetik mexanizmlaridan biri ekanligini tasdiqlaydi.