ЎПКАНИНГ СУРУНКАЛИ ОБСТРУКТИВ КАСАЛЛИГИДА ИНДИВИДУАЛЛАШТИРИЛГАН ЭРТА РЕАБИЛИТАЦИЯНИНГ ЯЛЛИҒЛАНИШ, ЭНДОТЕЛИАЛ ДИСФУНКЦИЯ ВА ЎПКА ГЕМОДИНАМИКАСИ КЎРСАТКИЧЛАРИГА ТАЪСИРИ

Мақолада ўпканинг сурункали обструктив касаллиги (ЎСОК) билан оғриган беморларда стандарт терапия ва стандарт реабилитацияга қўшимча равишда Даволовчи жисмоний тарбия (ЛФК), фитопрепарат ҳамда магнитотерапияни ўз ичига олган комплекс эрта реабилитация дастурининг яллиғланиш, эндотелиал дисфункция ва ўпка гемодинамикаси кўрсаткичларига таъсири баҳоланган [7, 14]. Тадқиқотда 127 нафар бемор иштирок этди. Натижалар шуни кўрсатдики, комплекс эрта реабилитация дастури қўлланилган асосий гуруҳда TNF-α миқдори 43,91–51,58% га, VEGF 49,50–50,46% га ва Эндотелин-1 46,03–47,27% га сезиларли даражада пасайди (p<0,001). Шунингдек, эхокардиографик кўрсаткичларда ўпка артериясидаги систолик босимнинг (SPAP) сезиларли пасайиши кузатилди [9]. Олинган маълумотлар комплекс эрта реабилитациянинг ЎСОК патогенезидаги сурункали яллиғланиш ва эндотелиал дисфункцияни камайтириш ҳамда ўпка гемодинамикасини яхшилашдаги юқори клиник-патогенетик самарадорлигини исботлайди