ANGIONEFROSTSINTIGRAFIYA ASOSIDA QARINDOSH DONORLIK TRANSPLANTATSIYASI UCHUN FUNKSIONAL JIHATDAN DOMINANT BUYRAKNI TANLASH ALGORITMI

Tadqiqot maqsadi: angionefrostsintigrafiya asosida qarindosh donorlik transplantatsiyasi uchun donor nefrektomiyasi tomonini tanlashning samarali algoritmini ishlab chiqish.

Usullar: Siydik ajratish tizimi patologiyasini aniqlash, shuningdek, buyraklarning umumiy va alohida ekskretor funksiyasini baholash maqsadida 21-60 yoshdagi 340 nafar donorda (o‘rtacha yoshi - 38,4 ± 9,8 yosh) buyraklarning radionuklidli stsintigrafiyasi o‘tkazildi. Bunda ko‘rsatkichlar me’yoriy qiymatlar bilan hamda har bir buyrakning ko‘rsatkichlari qarama-qarshi tomondagi buyrak ko‘rsatkichlari bilan taqqoslab baholandi.

Natijalar: Texnetsiy-99m bilan nishonlangan nefrotrop radiofarmatsevtik preparatlar - tubulotrop (MAG3) yoki glomerulotrop (DTPA) yordamida o‘tkazilgan dinamik angionefrostsintigrafiya (DANSG) natijalari har bir buyrakning samarali buyrak plazma oqimini (SBPO) yoki koptokchalar filtratsiyasi tezligini (KFT), shuningdek, perfuziyasi va urodinamikasini alohida baholash imkonini beradi. DANSG ko‘rsatkichlari majmuasi asosida funksional jihatdan dominant buyrakni, shu jumladan, SBPO qiymatlaridagi farqlar statistik jihatdan ahamiyatsiz bo‘lgan holatlarda ham aniqlash imkonini beruvchi algoritm taklif etildi. Algoritmning istalgan bosqichida juft buyraklarning funksional ko‘rsatkichlarida statistik jihatdan ahamiyatli farq aniqlangan taqdirda, funksional jihatdan dominant buyrak haqida xulosa chiqariladi.

Xulosa: Ishlab chiqilgan algoritm yordamida deyarli barcha holatlarda funksional jihatdan dominant buyrakni aniqlashga erishildi. Bu donor nefrektomiyasi uchun buyrakni tanlashni obyektivlashtirish hamda donorda buyraklar funksiyasini maksimal darajada saqlab qolish imkonini beradi.