XOLEDOXOLITIAZ BILAN BOG‘LIQ MEXANIK SARIQLIKNI DAVOLASHDA MINIINVAZIV TEXNOLOGIYALARNING KLINIK SAMARADORLIGI

Dolzarbligi. Xoledoxolitiaz bilan bog‘liq mexanik sariqlik o‘t yo‘llarining obstruksiyasi, xolestaz, jigar funksiyasining buzilishi hamda xolangit va biliar pankreatit kabi asoratlar bilan kechadigan mu­rakkab klinik holat hisoblanadi. Bunday bemorlarda diagnostika va davolash taktikasini to‘g‘ri tanlash klinik natijalarni yaxshilashda muhim ahamiyatga ega.

Xoledoxolitiaz bilan bog‘liq mexanik sariqlikda miniinvaziv diagnostik va davolash texnologiya­larining klinik samaradorligini baholash hamda optimal davolash taktikasini asoslash.

Material va usullar. 2023–2026-yillarda Andijon davlat tibbiyot instituti klinikasining 3-jarrohlik bo‘limida davolangan 47 nafar bemorning klinik ma'lumotlari tahlil qilindi. Qiyosiy guruh — 25 nafar, asosiy guruh — 22 nafar bemor. Klinik, laborator va instrumental tekshiruvlar, jumladan UTT, MSKT-xolangiografiya va ERCP qo‘llanildi. Umumiy bilirubin, ALT, AST, ishqoriy fosfataza, GGT, PTI, INR, fibrin­ogen va ACHTV dinamikada baholandi.

Natijalar. 45–59 yoshdagi bemorlar qiyosiy guruhda 44,0%, asosiy guruhda 45,5%ni tashkil etdi. Ayollar ulushi mos ravishda 64,0% va 63,6% bo‘ldi. Sariqlikning 8–14 kun davom etishi 40,0% va 40,9% holatda kuzatildi. O‘tkir xolangit 36,0% va 22,7%, o‘tkir biliar pankreatit 24,0% va 18,2% holatda qayd etildi. Asoratsiz kechish asosiy guruhda 27,3%, qiyosiy guruhda 8,0% bo‘ldi. Umumiy bilirubin 168,4±12,6 va 149,2±11,8 mkmol/lni tashkil etdi.

Xulosa. UTT, MSKT-xolangiografiya va ERCPni kompleks qo‘llash toshla rning lokalizatsiyasi va biliar obstruksiya darajasini aniqlash imkonini beradi. Miniinvaziv texnologiyalarga asoslangan optimal­lashtirilgan taktika klinik holatning barqarorlashuvi va asoratlar chastotasining kamayishi bilan bog‘liq bo‘ldi.