SIKLIK SPORT TURLARIDA SPORT MUVAFFAQIYATINI PROGNOZLASHDA YURAK RITMI VARIABELLIGI VA INTEGRAL FUNKSIONAL HOLAT KO‘RSATKICHINING PROGNOSTIK AHAMIYATI

Maqolada siklik sport turlarida sport muvaffaqiyatini prognozlash uchun yurak ritmi variabelligi, stress, tiklanish va integral funksional holat ko‘rsatkichlarining prognostik qiymati tahlil qilindi. Asosiy tanlanma 110 nafar 15–17 yoshli yuguruvchi, suzuvchi va velosportchidan iborat bo‘ldi. Suzuvchilarda muvaffaqiyat bilan RMSSD (r=+0,62; p<0,01) va SDNN (r=+0,58; p<0,01) o‘rtasida musbat, tinch yurak urish tezligi bilan manfiy bog‘lanish (r=−0,54; p<0,05) aniqlandi. Yuguruvchilarda stress indeksi asosiy salbiy prediktor (r=−0,56; p<0,01), velosportchilarda RMSSD (r=+0,57; p<0,01) va uyqu davomiyligi (r=+0,52; p<0,01) muhim musbat prediktor bo‘ldi. Integral funksional holat algoritmi 15 sportchilik sinov namunasida 78–85% prognoz aniqligi va r=0,82 (p<0,01) bog‘liqlikni ko‘rsatdi. Natijalar sport muvaffaqiyatini baholashda ko‘p parametrli, sport turiga xos prognoz modelining istiqbolini ko‘rsatadi.