BOLALAR SEREBRAL FALAJI SPASTIK DIPLEGIYALI BOLALARDA TAKOMILLASHTIRILGAN KOMPLEKS REABILITATSIYA DASTURINING SAMARADORLIGINI BAHOLASH

Maqolada spastik diplegiya shaklidagi BSF bilan og‘rigan bolalarda PNF-metodika va Korvit plantar imitatsiya apparati yordamida takomillashtirilgan individual reabilitatsiya tadbirlarini o’tkazishning samadorligi ko’rsatkichlari keltirilgan. Eng murakkab muammolardan biri spastik diplegiya shaklidagi BMF bilan og‘rigan bemorlar uchun harakat faolligini tuzatish vositalari va usullarini ishlab chiqishdir. Chunki imkoniyati cheklangan bolalarda jismoniy tuzatish usullari va vositalari kasallikning o‘ziga xos xususiyatlari va organizmning dastlabki holatiga asoslanadi. Tadqiqot maqsadi. Spastik diplegiyali bolalar serebral falaji bilan og‘rigan bemorlarda PNF (proprioceptive neuromuscular facilitation) terapiyasini o‘z ichiga olgan takomillashtirilgan kompleks reabilitatsiya dasturining uzoq muddatli natijalarini baholash. Materiallar va usullar. Ushbu ishning maqsadiga muvofiq, spastik diplegiyali BMF bilan og‘rigan bemorlarni davolashni takomillashtirish uchun Samarqand viloyat ko‘p tarmoqli bolalar tibbiyot markazi bolalar bo'limida 5 yoshdan 9 yoshgacha bo‘lgan BSF spastik diplegiya (G80.1) tashxisi qo’yilgan 49 nafar bola tekshiruvdan o‘tkazildi. Natijalar va muhokamalar. Eshvort shkalasi bo‘yicha baholangan bo‘g‘imdagi mushaklarning passiv harakatga qarshilik kuchini, goniometriya usuli yordamida oyoq bo’g’imlarining harakat hajmini tahlil qilganda va miofatsial diagnostikada davolanishdan so‘ng AGda ijobiy ta’sir TG ga nisbatan ko‘proq namoyon bo‘ldi. Xulosa. Shunday qilib, PNF terapiyasidan foydalangan holda ishlab chiqilgan takomillashtirilgan reabilitatsiya dasturini olgan BSF spastik diplegiyali bemorlarning aksariyatida 6 oydan so’ng Ashvort shkalasi, goniometriya va miofatsial diagnostikasida taqqoslash guruhiga nisbatan sezilarli ijobiy natija qayd etildi.