МЕХАНИК САРИҚЛИК БИЛАН АСОРАТЛАНГАН ХОЛЕЛИТИАЗ КАСАЛЛИГИНИНГ ДИАГНОСТИКАСИ ВА ЗАМОНАВИЙ ДАВОЛАШ УСУЛЛАРИ (АДАБИЁТЛАР ШАРҲИ)

Ўт-тош касаллигининг холедохолитиаз билан асоратланиши ва бунинг натижасида ривожланадиган механик сариқлик гепатобилиар хирургиянинг энг долзарб ва мураккаб муаммоларидан бири бўлиб қолмоқда. Оғир метаболик, коагулопатик ва иммунологик бузилишлар фонида бажариладиган жарроҳлик аралашувлари юқори операцион хавф билан кечади, бу эса даволаш тактикасини индивидуаллаштиришни талаб этади. Мазкур шарҳда сўнгги ўн йиллик даврда чоп этилган илмий адабиётлар таҳлил қилиниб, механик сариқлик билан асоратланган холедохолитиазда қўлланиладиган минимал инвазив усуллар (эндоскопик ретроград холангиопанкреатография ва папиллосфинктеротомия, лапароскопик холедохолитотомия, перкутан транспеченка дренаж, бир босқичли ва икки босқичли тактикалар) тизимлаштирилди. Шунингдек, эрта постоперацион даврдаги асоратларни олдиндан башорат қилиш имконини берувчи балли шкалалар (Э.И. Гальперин таснифи, BISAP, Чарльсон коморбидлик индекси) ва прогностик омиллар кўриб чиқилди. Адабиётлар таҳлили шуни кўрсатадики, бирлаштирилган, статистик асосланган прогностик шкалани ишлаб чиқиш ва хирургик тактикани танлашга индивидуал ёндашувни такомиллаштириш зарур.