GEPARIN VA KLEKSANNING KONTRIKAL BILAN BIRGALIKDA QO‘LLANILISHINING GENITAL INFEKSIYALAR MAVJUD BO‘LMAGAN HOLATLARDA HOMILADORLIKNING ERTA MUDDATLARIDAGI STERIL YALLIG‘LANISHGA TA’SIRI

Mazkur tadqiqotda genital infeksiyalar mavjud bo‘lmagan ayollarda homiladorlikning erta muddatlarida steril yallig‘lanish ko‘rsatkichlariga geparin va kleksanning Kontrikal bilan birgalikda qo‘llanilishining ta’siri o‘rganildi. Tadqiqot natijalari shuni ko‘rsatdiki, homiladorlikning erta bosqichlarida HMGB1, IL-1α va IL-33 ko‘rsatkichlarining dinamikasi qo‘llanilgan pregravidar terapiya turiga bevosita bog‘liq. 1-guruh (standart davolash) va 2-guruhda (standart davolash + antibiotiklar) ushbu yallig‘lanish markerlari homiladorlikning 6-haftasidayoq sezilarli darajada faollashib, eng yuqori qiymatlarga erishdi. Bu antibiotiklarni qo‘shimcha qo‘llashning sezilarli yallig‘lanishga qarshi yoki immunomodulyator ta’sir ko‘rsatmaganligini tasdiqlaydi. 3-guruhda (Kleksan) va 4-guruhda (Kleksan + Kontrikal) HMGB1 faollashuvi asosan homiladorlikning 12-haftasida kuzatildi, bu esa past molekulyar og‘irlikdagi geparin hamda uning Kontrikal bilan kombinatsiyasi steril yallig‘lanish rivojlanishini ma’lum darajada kechiktirishini ko‘rsatadi. 5-guruhda (fraksiyalanmagan geparin) va 6-guruhda (fraksiyalanmagan geparin + Kontrikal) homiladorlikning 12-haftasiga kelib HMGB1, IL-1α va IL-33 darajalari ishonchli ravishda oshgan bo‘lsa-da, ularning qiymatlari 1- va 2-guruhlarga nisbatan sezilarli darajada past bo‘lib qoldi. Provospalitel markerlarni eng samarali darajada cheklash aynan 6-guruhda, ya’ni fraksiyalanmagan geparin va Kontrikal kombinatsiyasini olgan bemorlarda kuzatildi. Siydik kislotasi darajasi homiladorlik davomida sezilarli o‘zgarish ko‘rsatmagan bo‘lsa-da, guruhlar o‘rtasida barqaror farqlar aniqlandi. Xususan, fraksiyalanmagan geparin preparatlari, ayniqsa Kontrikal bilan birgalikda qo‘llanganda, siydik kislotasining boshlang‘ich darajalari pastroq bo‘lishi bilan tavsiflandi.