TRAVMATIK QULOQ PARDA PERFORATSIYASIDA ESHITISH FUNKSIYASI: ZAMONAVIY MA’LUMOTLAR SHARHI

Ashurov, A.M.; Ashurov, A.A.; Nosirov, R.K.; Ashurov, A.A.

doi:10.67519/nshr.ztj.2026.03.061

← Qaytish Zamonaviy tibbiyot jurnali

Original tadqiqot

Zamonaviy tibbiyot jurnali, Vol. 14, No. 3 (2026)

TRAVMATIK QULOQ PARDA PERFORATSIYASIDA ESHITISH FUNKSIYASI: ZAMONAVIY MA’LUMOTLAR SHARHI

Ashurov A.M.✉
Ashurov A.A.
Nosirov R.K.
Ashurov A.A.

Qabul qilingan: 1-avgust, 2026Tasdiqlangan: 2-avgust, 2026Chop etilgan: 8-avgust, 2026

DOIhttps://doi.org/10.67519/nshr.ztj.2026.03.061CC BY 4.0

Annotatsiya

Quloq pardaning travmatik perforatsiyasi otorinolaringologiya amaliyotida toʻsatdan yuzaga keladigan eshitish pasayishining eng koʻp uchraydigan sabablaridan biri hisoblanadi. Quloq pardasining mexanik, portlash oqibatidagi yoki yatrogen shikastlanishi tovush energiyasining oʻrta quloq orqali uzatilishini buzadi va ayrim hollarda ichki quloq tuzilmalarining shikastlanishi bilan kechadi. Bu esa klinik va audiologik belgilar hamda eshitish funksiyasining tiklanish prognozi turlicha boʻlishiga olib keladi.

2012–2026-yillar davomida chop etilgan adabiyotlar maʼlumotlari bazasi, shuningdek PubMed/MEDLINE va Scopus bazalarida indekslangan taqrizdan oʻtgan ilmiy nashrlardagi travmatik baraban parda perforatsiyasining klinik va audiologik xususiyatlariga bagʻishlangan prospektiv va retrospektiv klinik tadqiqotlar, tizimli sharhlar hamda eksperimental tadqiqotlar tahlil qilindi.

Perforatsiyaning spontan yopilishi 80–94% hollarda 4–12 hafta davomida kuzatiladi. Shu bilan birga, erta jarrohlik davolash kechiktirilgan operativ davolashga nisbatan eshitish funksiyasining tiklanishi boʻyicha statistik jihatdan ishonchli yuqori natijalarni namoyon etadi.

Kompleks audiologik tekshiruv, jumladan tonal chegaraviy audiometriya, impedansometriya hamda zarurat tugʻilganda otoakustik emissiyani tekshirish travmatik quloq parda perforatsiyasi bo‘lgan bemorlarni kuzatishning barcha bosqichlarida o‘tkazilishi lozim. Ushbu tekshiruvlar eshitish pasayishining konduktiv va sensorinevral komponentlarini farqlash, jarrohlik davolashning optimal muddati va usulini tanlash hamda funksional prognozni obyektiv baholash imkonini beradi.