GINEKOLOGIK AMALIYOTDA SIMULTAN JARROHLIK ARALASHUVLARINI TAKOMILLASHTIRISH

Simultan jarrohlik aralashuvlari zamonaviy ginekologiyada davolash samaradorligini oshirish hamda bemorlarga tushadigan jismoniy va ruhiy yuklamani kamaytirishning muhim yo‘nalishlaridan biri hisoblanadi. Ushbu usul bir vaqtning o‘zida bitta narkoz ostida ikki yoki undan ortiq jarrohlik amaliyotini bajarishga asoslanadi. Natijada takroriy gospitalizatsiya, operatsiyalar soni va reabilitatsiya muddati qisqaradi, davolash xarajatlari kamayadi. Mazkur maqolada ginekologik amaliyotda simultan operatsiyalarni qo‘llashning zamonaviy yondashuvlari, laparoskopik texnologiyalar, operatsiyagacha tayyorgarlik, bemorlarni tanlash mezonlari hamda multidisiplinar davolash tamoyillari tahlil qilingan. Tadqiqot natijalari shuni ko‘rsatadiki, to‘g‘ri tanlangan bemorlarda simultan operatsiyalar yuqori klinik samaradorlikka ega bo‘lib, operatsiyadan keyingi asoratlarni kamaytiradi hamda reproduktiv salomatlik ko‘rsatkichlarini yaxshilaydi.